Thursday, 25 February 2010

National Day + Independence Day of Q8.


عذراُ طولت الغيبة :) , بس شسوي عندي وااايد افكار بس مالي مزاج ارتبهم الصراحة --", و طبعا بسبت جو الكويت الجميل المغبر -الي ردتلي الحساسية بسبته- ما اقدر اطلع و لا حتى افكر :(
بس اليوم طلعت و اشوة الغبار طاح على حظي ;)

احب هالمناسبة, صج اني ما احس فيها وايد, يعني عادي نفس كل سنة بس اليمعة و سوالف العيايز و خطاتهم -يهبلون والله :>-

اكثر شي اكرهه بهالمناسبة الرغوه مادري الفوم الي يلعبون فيه اليهال و الشباب بالمسيرة, احسه شي مامنه فايد و لا عايدة,
و ينرفزوني على حركة انه يبطلون باب السيارة -بالمسيرة طبعاً- و يرشون عالناس ملاقة والله, خلصت الاماكن عشان ترشون عالاوادم :s

المهم مابي اطول عليكم, عطلة سعيدة للكل :)
+
HAPPY National & Independence Day 4 all.

Tuesday, 2 February 2010

me!? jealous!? no way@@.....well, dunno T.T


ملاقة لمه تحب احد من سنين و تسوي المستحيل عشان تخليه يعرف و يتقبلك و يتفهم مشاعرك و حالتك حالة و بالنهاية ايي يقولك: شوف فلان -الي ما اعرفه الا قبل جم يوم- شنو قايل لي حده حساس لهالدرجة يحبني ما اصدق شوف هالمسج, طاع شيايبلي, واااااي حدي احبه مو صج ماني قادر اصدق!!!!!؟

انا الي ماني قادرة اصدق هالناس الاغبيا الي يخلون الناس يحبونهم ليش ما يستوعبون من نفسهم انه هذا او هذي تحبني, يعني خنكون واقعيين صح اهوا ما يقدر يعلم الغيب او يقرا افكار الناس بس اعتقد النظرة و التصرفات و طريقة الكلام تبين اذا كان حب عادي اخوة او صداقة او حب اقوى من الحب العادي, يعني شنو يبون يشوفون من الناس الي يخليهم يفهمون او يأكد لهم انه مو حب اخوة او صداقة!! ليش ما يفهمون بنفسهم, المسألة مو صعبة لهالدرجة لا اهيا فيزيا و لا كيميا عشان نحللها لهم و نبسطها, يعني قولولي شنو شعوركم لمه اييكم احد تحبونه و يقول لكم فلان صارحني بحبه و انا قبلت او انا احب فلان و من هالحجي شنو بيصير فيكم؟!.

و اكثر شي ينرفزني اذا قلت لهم هذا كلام عادي او لا تبالغ يمكن مو قصده جذي, يقولك ليش انت تغار؟! @@" او انت قط قلت لي هالحجي الحلو من قبل؟!
اولاً مسألة الغيرة خلوها شوي على كتر, ثانياً ماله داعي ابداً امشي و اتغزل بخلق الله عشان يعرفون اني احبهم, صج انه الكلمة الحلوة ضرورية من فترة لي فترة بس اذا انا اعرف غلاتي و معزتي عند هالشخص اعتقد هذا يكفي و مرات الفعل البسيط يكون مفعولة اكبر من الحجي الزايد و العجاف الي ماله داعي.

اكيد بتقولون انا واقعة بالحب و هذي كلها مجرد غيرة, لا انا مو واقعة بحب احد انا معصبة من مشاعر ما كنت ادري انها موجودة عندي, دايماً انتقد الشخصيات السلبية مثلاً الي غيرتها زيادة عن اللزوم او الي تحب تكون محط اهتمام الكل و من هالنوعيات, حدي اكرههم احسهم مرض و آفات عالمجتمع والله, عشان جذي انا ما احب اشوف نفسي اغار بشكل اوفر على اشياء تافهة سواء على اصدقاء او احباء او حتى اهل.

وحدة من رفيجاتي الي كانت حيل معاي تصدقون انها كانت تخيرني بينها اهيا و رفيجة ثانية@@ عسى ما شر حبيبتي ليش انا الجيرل فريند او البوي فريند مالج!؟ حتى لو كان عندي بوي فريند ما كنت راح اخيره بيني و بين رفيجه!!!! حده تفكير سطحي وين قاعدين مسلسل خليجي شايفتني!؟ و تقولي ليش صايرة متغيرة عليها, ادري انها ما تقرا مدونتي بس ودي اقولها عذراً اذا بتغير ما راح اتغير عليج راح اتغير بسبتج و لا تقولين لي ليش بعد!؟
افففففففففف ناس غريبة!
T.T
احس ان كلامي مو مرتب مادري انزل هالبوست و الا لا احس بشعور مو شي و فوق هذا احس اني قاعدة بماي مغلي على الجولة @@, لووول لا مو الغيرة هذي الانفلونزا و ماتسوي ^^" -باختصار يعني قولولي سلامات و ماتشوفين شر & :***- ;>.

*************

لمه اقول حق احد لمني او لميني و يضحكون و يلموني على غشمرة
get lost hun @@", i need a hug so give me 1 or fuck of!
فديت الي عندي بالبيبي كل ما اقولهم لموني ما يقصرون فديتكم احبكم كلكم :**** , صج ترى عادي اكتبلكم شي و اهوا مو لكم عادي جدا سو لا تخترعون اذا فجأة زفيتكم و سبيتكم و سويتلكم دليت ترى مو انتوا اوكي ;p
love u :***.