Thursday, 20 August 2009

Let's be honest!.


Hello, long time no see:),

2 be honest! I'm in love with my new BlackBerry, its woooooooow!!!

كنت واااايد اسمع انه مجرد هبة و راح يطيح حظه و شكله قبيح و جنة طابوقة او رخامة او حجر, بس من استخدمته كل هالحجي تبخر بلمح البصر.!؟
بس مليت ابي اضيف ناس يدد مااااعندي شسوي:(, ما انعطى ويه
:p.

+++++++++++++

اشتقت حق وجوه وااايد, اختفت فجأة دون سابق انذار والله خايفة عليهم اتمنى ان يصلني خبر منهم, على الاقل كونهم احياء!؟
I'm waiting, Miss U so much :*.

+++++++++++++

وحده من الناس المزعجين سألتني انتي ليش جذي نظرتج للحب سطحية و غير واقعية!!! و قعدت اتفلسف على امن يابتني بشكل مو طبيعي و اهم شي انها اوبن مايند! تكفيييييييييين كل هالتعقيدات و اوبن مايند فييييييي شي!!! عيل لو كلوس مايند شتسوين بالله!!!, زين يا حبيبتي هذي وجهة نظري و هي ان الحب ماله شغل بالعمر او الجنس او ما يشابهم من امور مماثله, و اذا انتي مو عاجبج و مو راضية تفهميني فهذا مو شغلي لا تيننيني قولوني العصبي بينفجر منج!.
هل كلامي غلط و الا لا!؟.

+++++++++++++

خبر سيء 1: انا صرت مدمنة:(!!! لا لا لا يروح تفكيركم بعيد صرت مدمنة جاي و قهوة ثنينهم مع بعض لازم اشرب واحد فيهم عالاقل يومياً, اظن انها وراثة بالنسبة للجاي بس القهوة -الي اهيا الآيس- يتني من الكلية اعتقد!.
خبر سيء 2: فريقي العزيز مانشستر حبي الاوحد و الي ماله مثيل خسروا بالمباراة اليوم:( افففففففففففففف صج خبر تعيس اكرهم اكرهم!.

+++++++++++++

نسيت اقول اني واقعة في حب شي ثاني و الي اهو:
Yaoi & Yuri Manga, love it really niiiiiiiice hehe.
انصحكم بالتجربه:).

+++++++++++++

مو وايد احب سوالف اني احاجي او التقي بشباب و اتعرف و احب, احسها مو لي ما تركب علي - بالله منو هالسعيد الحظ الي بيقع بحبي انا و على شنو- , بس يمكن فيه شي راح يصير و اذا صار راح اقولكم و اذا ماصار همن بقولكم و هذا احتمال وارد بكل الحالات راح تعرفون :) بس ادعولي.

+++++++++++++

باقتراب رمضان يقترب معه موعد عيد ميلادي التاسع عشر :) و يقولون لي عيد ميلادي مقدس لووول, احلى شي الهدايا و الي ما اييبلي هدية لو يكون بآخر العالم راح ازعل منه او عالاقل يقولي سنه حلوه يا جميل تكفيني:) لووول, الحمدالله انه يكون برمضان عشان محد اييبلي كيك لاني اكره شي اسمه كيك -ويع الله يزيده جنه اسفنجه مغطوطه بماي- عشان جذي كيكتي الرمضانية احلى كيكه و هي التشريب و عليها شمعه شي جميل (التشريب معروف مو ماله داعي شرح صح ممم الي يبي شرح يقولي).

+++++++++++++

مممممممم اول مره اكتب بشكل مفرق و سوالف مو موضوع جاد, اتمنى انه محد نام او زهق و كرهني عقبها ادري الي يكرهوني وايد الله يخليهم لي :), حسيت اني ممله فجأة :$, المهم اتمنى انكم استمتعتوا و عجبتكم الاغاني حطيت تشكيلة من كل الفرق الي احبها اغنية وحده عشان ما يصير زحمه, و اخترت اغاني هادية عشان محد يخترع,
كل عام و انتوا بخير و مبارك عليكم الشهر مقدماً و عساكم من عواده ان شاء الله,
see U:)
.

4 comments:

  1. كل عام و أنتي بخير و بمناسبة رمضان وعيد ميلادج مقدما..
    أكره البلاكبيري..وأحسه ماخذ عني كل الناس اللي أحبهم لأنهم طول الوقت يلعبون فيه..انا بروحي مسوية بوست كامل عنه علشان أعبر عن حقدي عليه لوووول..
    -----
    أنا بعد مدمنة جاي و قهوة..يعني مو بروحج..الله يعيني على الصيام بس!
    ----
    أنا بعد أموووووت في الyaoi و الyuri مري على مدونتي رح يعبج اللنك اللي حطيته^^

    و بس ماعندي شي ثاني أقوله..
    لا أطولييين الغيبة..^^

    ReplyDelete
  2. In The Closet :

    و انتي بخييييير حبيبتي:),
    تكرهينه!! ممم جربي يكون عندج واحد ترى البلاك بيري اختراع ذكي و يقرب المسافات و يقوي العلاقات الاجتماعية, لووول جني قاعدة اسويله تسويق او دعاية :P,
    +++
    ونااااسة انتي بعد, اي والله شلون بنصوم
    +++
    اوكي الحين اشوفه, اي حلوين فن رائع حبببهم
    ان شاء الله ماراح اطول حبيبتي, و مري انتي بعد, تمت اضافة مدونتج بالفيفرت:).

    ReplyDelete
  3. اول شئ انا ما اقدر على زعلك فعذريني وسامحيني

    ثاني شئ دايما اقول البلاك بيري ما له فايدة وما مقتنع فيه لحجمه ولشكله بعد بس راح اجرب بنصيحتك بما انك مجربته وعاجبك كذي لكني ما حسمت امري اتجاهه

    احسه بس اللي الناس اللي عندها بزنس وناس تراسلها اوقاعدة على النت 24 ساعة

    =-=-=-=-=-=-

    الحب شئ جميل ما ينعرف ولا ينوصف الا لمن تحسين بيه
    فصعب اتكلم عنه بس اسالي مجرب ولا تسالين طبيب

    -=-=-=-=-=-=-=
    زين انا ما اشرب شاي _ على قولتك جاي- الا مرة في الشهر بس حسب المزاج اذا شميت ريحة القهوة وعجبتني اطلب منها غير كذي ما اروح بجانبها ابدا

    بس اذا جينا للادمان فانا مدمن شيشااااااا

    -0-00-0-0-0


    المنجا
    تقصدين
    mangoooo

    لووووووول

    فهمت عليك تقصيد الانمي والمنجا

    انا بعد احبهم بس ما عندي وقت ادور عليهم اذا حصلتهم اشوفهم بس ما اقعد ادور كثير دايما يجوني جاهزين لحد عندي
    -=-=-=-=-=-


    بمناسبة عيد ميلادك راح اعملك كيكة من عمايل ايدي تعلمت اسوي كيكة بالشوكلاة رووووووعة مع اني ما احب ادخل المطبخ بس فكرتها عجبتني
    راح اعملها واحط فيها شمعة واخلي اخواني يحتفلون بعيد ميلادك غيابيا وان شاء الله ما راح اقصر معك راح اكل الكعكة كلها وما اخلي لحد
    وراح اجتهد في عملها عشان تطلع ممتازة
    فمن هنا لحد اليوم الموعود كل عام وانت بالف خير وعافية وايامك كلها سرور وفرح
    =-=-=-=-



    لالالالالالالالالالالالالا انت ما ممملة

    انت ام الممل


    ههههههههههه


    لالالا امزح بالعكس كذا حلو ياريتي اقدر اكتب بسلاسه كذي انط من موضوع لموضوع بدون القارئ ما يمل

    منتظرين البوستات الحلوة الجاية



    يلالالالالالالالالالالا نشوفك على خير

    ReplyDelete
  4. غريب:

    حبيبي انا اااااسفه بعد و سوري عالتقصير :),

    اهوا صح البلاك بيري حق البزنز او الي ماعندهم
    شغل و انا بلا شك من الناس الي ماعندهم شغل:p
    بس استخدامه و جذي وااايد حلو و راقي,

    +++

    صح الي مجرب الحب غير عن الي يوصفه,

    +++

    الشاي عندي اهون من الشيشا بوايد,
    بس كله (ادمان في ادمان)
    احب ريحه الشيشه و الله يعينك عليها:),

    +++

    الانمي غير عن المانجا
    بس احبهم قصة و تصويراً حلوين:),

    +++

    تسلم ايدينك ان شاء الله اقدر اشم ريحتها من الحين:p,
    و عليكم بالف عافية, و الحمدالله انها بعيدة عني:),

    +++

    لووووول لايق علي ام الملل
    انت اسلوبك حلو بالكتابه و هذا اهم شي:),
    شكرا لانتظارك و مرورك الدايم:).

    ReplyDelete

Be Yourself :).